Col CK Nayudu Trophy: Jop suk ka Meghalaya da 328 Run yaka Sikkim

U Manish Sharma da lehbha u da ka bol heiwa da yoh u 8/14 na ki 15 Over yow pynjop yaka Meghalaya pyrchah yaka Sikkim da 328 Run haka U-23 Men’s Col CK Nayudu Trophy wa da pynman ynne ha Rangpo, Sikkim.

U Manish haka Innings wa nyngkong, da yoh u 6/40 iwa mut waroh da yoh u 14/54 iwa boon dooh ha i parom kiwa kawang bol ka Meghalaya.

Kam wow pynkynmoo wa ka Meghalaya haka Innings wa nyngkong da haap lut ko deiwa kamai 113 tangwa ka Sikkim da ye ko wow jubab deiwa yoh 91 Run donhi, wei hawa Bat biang, ka Meghalaya da yoh ko 370/9 hadooh wa kut ka yalehke ynnin iwa mut wa da pyntam ko da 392 Run.

Na kiwa Bat ka Meghalaya da lehbha u Captain, u Kevin Christopher uwa da kamai spah Run yow pynpoi yaka jylla palat 300 i kamai heiwa da pynkut leh yei kamai.

Related posts

MSL 5: Jop ka Nongkseh da 13-0 ya ka Umkaber

April 20, 2026

MSL-5: Jop ka Rymbai Shkenshynriah ya ka Jalaphet Moochut Pyrdung

April 17, 2026

Ka Sikkim hawa jubab da haap lut ko deiwa kamai 64 na ki 40.5 Over.

Da em du ar ngut kiwa Bat ka Sikkim kiwa yoh palat 10 Run deiwa kylloor lut u Manish ya kiwa boon deiwa yoh Wicket man ka 11 bol wei ya ki ar Wicket kiwa sah da yoh da u Aryan Borah (1/18) wa u Abhishek Kumar (1/31).

Ka Meghalaya kattu u lai ko cha Surat, Gujarat heiwa daw yachem ko waka Manipur kawa daw sdang nadooh ka 14 tarik.