Kam chibynta wow pynskem yei pynmih bordiñ hapoh ka jylla Meghalaya ha ki sngi ki por wow wan, neiliang ka chnat bordiñ ka Meghalaya da soi soskular (MoU) ko waka ONGC Tripura Power Company Ltd (OTPC) yow chim kabu ya ki laad pynmih bordiñ wa em hapoh ka jylla.
Ha i ya soi soskular da emlang u Montri ka chnat bordiñ, u A.T. Mondal kawa da pynman ynnin ka sngi ha Shillong deiwa emlang u Sanjay Goyal, IAS, Commissioner & Secretary, u Sanil Namboodiripad, Managing Director, OTPC wei da emlang leh kiwi ki bru ka OTPC wa kynthup ya u Anup Ch. Sarmah (CCO), u Shree Narayan (CTO) wa u Smartest Thakur (Head Corporate Affairs – C&M).
Ka thong wa hakhmat kani ka ya krehlang yoh yow pynkrehkaam ya ki Pump Storage Hydro Power Project yow pynlang bordiñ wei wow pynlait heipor wa emkaam yow pyntikna wym thut i yoh bordiñ.
Kiwi de ki thong toh yow chna ki Hydroelectric Power Projects kiwa khian wa kiwa heh ha ki wah yow pynmih bordiñ deiwa khooid kamjooh wow chna leh ya ki Floating Solar Projects yow chim kabu yei bor ka um wa da em chwa.
Ini i ya krehlang u man ko neibynta 3 snem yow wanrah ya ka mynried kawa biang hei bordiñ, yow pynsuk ya kiwa chong chnong, yow yarap leh ya ka khayi pateiñ kamjooh ka rym-aw hapoh Meghalaya.
Discussion about this post