U Montri Rangbah ka jylla, u Conrad Sangma deiwa emlang u Montri ka chnat Sports & Youth Affairs, u Shakliar Warjri, ynne da wai u yaka Pa Togan Nengminja Sangma Athletics Stadium (Track & Field Stadium) wa em ha Tura, West Garo Hills District.
Kani ka Stadium toh kawa emlang yaka 8 Lane Athletic Track wei kawa da chna hei lut wa Rs. 16.02 klur hapoh ka Phase-I wei kawa ye wow pdiang hadooh 2000 ngut kiwa paitke.
U Conrad da khana u wa ha uni u bnai daw wai leh yaka Sports Complex wa em ha Wahiajer, West Jaiñtia Hills kawa em deilang yaka Synthetic Track waka madan bol wei ya kiwi ki Sports Complex kiwa kynthup ya ka Indoor wa Outdoor Stadium kiwa da chna katkam ka juk wa katni wa em ha Shillong wa Tura daw wai noh ha ki ar snem wow wan.
Da e khlublei u leh ya u Montri wa da ye u pyndep yei kreh heipor wa biang wei ya kani ka madan daw ye kattu wow pynemkaam ka neibynta ka Meghalaya Games 2024.
Kamtæ da ong u wa ka sorkar da chimkhia ko ym du neibynta ki yalehke Sports tangwa wot ha ki kaam seiñ khih ki khynroo lyngba ka PRIME wa neibynta kiwa em yei sap hei tem i put lyngba ka Meghalaya Grassroots Music Project.
Kani ka madan wa em ha Tura toh kawa nyngkong kam kani ha waroh kawi ka Ri-loom Garo.
Discussion about this post