U DC ka West Garo Hills da pynbna paidbah u wa neidaw wa daw wan ka President ka ri India cha ka District nadooh ka 15 tarik wei daw neh ko hadooh ka 16 tarik uni u bnai kam chibynta wow wai yaka 5th Meghalaya Games kawa daw pynman ha Tura, da hap wow pyntikna wym thut i lai i wan ki kari.
Kamtæ da pynmih hukum yow khang yei pynyieñ kari chipor nadooh 6:00 waje i step ka 15 tarik hadooh 12:00 waje pyrdi sngi ka 16 tarik.
Yeini da leh kam chibynta wow pyntikna wym thut i lai i wan ki kari heini i por wa em ka President hapoh ka District, kamtæ da kyntu ya ki paidbah wow ya krehlang ki ha ini i por.
Kam wow pynkynmoo wa haka 16 tarik, ka President daw poi ko ha Shillong wei daw lai ko leh cha khloo kyntang ka Mawphlang heiwa u SP ka East Khasi Hills da dep pynbna paidbah u wa daw pynthut yei lai i wan ki kari wei daw ksoh leh ya ki kari 30 minit ha ki laad wa daw lai ka President.
Da kyntu leh ya ki paidbah wym toh u lai ki cha thaaiñ Mawngap lada ymtoh i wym hoi de u dam.
Puræ leh: Daw thut i lai i wan ki kari ha Shillong wa ha thaaiñ Mawngap haka 16 tarik
Discussion about this post