I pynkhreh wow wai noh yaka 5th Meghalaya Games da lai bait i chakhmat deiwa poi suk lut waroh kiwa chimbynta ynne cha Tura wa kynthup lang nadooh kiwa yalehke deilang ki Coach wa kiwi kiwi de.
Da pdiang ya kini kiwa yalehke da ki dkhot ka Meghalaya State Olympic Association (MSOA) deilang wa ki bor District ka West Garo Hills katkam ka riti dustur ki Garo deiwa lai yachem ya kini kiwa yalehke kiwa da poi ha ISBT, Tura.
I wai yaka Meghalaya Games ha uni u snem u man ko kawa sahkynmoo heiwa ka President ka ri, ka Droupadi Murmu daw wan wai pyrda ko ya kani ka lympung haka yalang wa daw pynman ha PA Sangma Stadium, Tura haka 15 tarik kawa man leh ka sien wa nyngkong wa da pynman cha baar ka Shillong.
Ya kiwa yalehke da pdiang burom leh da ki rwai ka Grassroots Music Project yow e mynsien ya ki.
Ka lehkmen wai pyrda da pynkhreh bha ynne ka sngi deiwa da pyrchang lut ya waroh kiwa da thmu wow leh.
Waroh kiwa yalehke kiwa daw chimbynta da em ki kamwa 3000 ngut kiwa daw chimbynta ha ki 23 tylli ki jait yalehke ha ki 16 tylli ki thaw yalehke wa em ha Tura.
Da em leh kiwa da takha kiwa yalehke wa poi ynne kiwa da yoh yei sumaar ha ISBT hi.
Discussion about this post