Shillong : U Conrad K Sangma, MP, ynne ka sngi da pynman u ya ka District Development Coordination and Monitoring Committee (DISHA), ha Williamnagar Circuit House yow boodien yei rukom pynkrehkaam ya ki scheme wa wan na ka sorkar bei ha East Garo Hills District.
U MP da ong wa ya kani ka review meeting u pynman ya ka man ki le bnai yow yooh u thooh laad wa kammon u ye u pynkrekaam deiwa miat ya ki scheme na ka sorkar bei yow lait ki u sep ai.
Ha kani ka review meeting da klam leh chaphang ka kreh 100 sngi namo ka MGNREGS wei da ong u wa dang emkaam u pynsñiawthooh paidbah yei rukom krehkaam kani ka scheme wei da kular u leh u rah ya waroh kiwa chem chitom ki wow pynkrehkaam ya kani ka scheme cha ka Union Ministry of Rural Development.
U MLA ka Songsak, u Nihim D Shira da ong wa chem chitom dooh toh yow wai Bank Account ya kiwa em Job Card katkam wa ong ki VEC, neiliang u MP da kular u leh wow yaklam wa ki heh ka SBI Bank yow wai noh da ka wi ka Branch ka SBI ha Do.bu yow suk ki paidbah wa sah cha nongkyndong.
Ha kani ka sngi leh da klam chaphang kiwi ki scheme kam ka PMGSY, IAY wa ki scheme wa pynkrehkaam da ka tnat Agriculture, Horticulture wa ka Soil and Water Conservation. Boon da ood ki wa joor wa slem u poi ka poisa na ka sorkar bei yow ye u pynkrehkaam ya ki scheme.
U Conrad Sangma leh da e buit u ya kiwa boon yow sdang da ka Solar Water Pump ka wow yarap poisa u na ka MPLAD Scheme yong oo.
(Feature Image- File Photo)
Discussion about this post