Pynku ya ka chuki hapoh ka Sikkim Legislative Assembly na ka 32 cha ka 40

Ka Union Ministry of Law da chim ko ya kani ka rai deiwa kylla ya ka Article 371 F yow pynku na ka 32 tylli ki chuki cha ka 40 tylli hapoh ka Sikkim Legislative Assembly.

Ya ki jait bru Limboo-Tamang da tipmit ya ki kam ki Tribal nadooh u snem 2003 tangwa ym em booh kyrpang ya ki ha ka sorkar ka Sikkim neidaw wa ka Sikkim hadooh katni ym em ko ka kyndon aiñ wow booh kyrpang (reserve) ya ki chuki ki MLA lait noh na ki Bhutia Lepcha kiwa da yoh ya kani ka kabu.

Ha ka chithi wa phah da ka the Ministry of the Home Affairs, NE Division da ong wa da chong pyrkhat sani bha ki hei yatoh wa ini deiwa yoh ya ki yumut na waroh yow pynku noh na ka 32 tylli ki chuki cha ka 40 tylli deiwa pyrkhat ya ki jait bru Limboo-Tamang deiwa pynneh ya ka reservation wa 12 tylli toh yong ki Bhutia wa ki Lepchas, ar tylli ya ki Schedule Caste wa ka wi ya ki Sangha.

Ka kyndon ka aiñ ka 7(1)(1A) ka Representation Act, 1950 da pynkylla ya ka yow kynthup ko ya 5 tylli ki chuki nei bynta ki jait bru Limboo-Tamang.