Ka chnat District Commerce & Industries, West Jaiñtia Hills District ynne da wai ko yaka e sikai wa 15 sngi wa tip kam ka Skill Development Programme (SDP) for Pottery ha chnong Larnai.
U Deputy Commissioner ka District, u B.S Sohliya, da man u kam u kongsan hei emlang u M.L Wanshnong, Joint Director, Commerce and Industries Department kam u symbood kongsan.
Kani ka e sikai man ko kam chibynta ka Scheme wa tip kam ka ‘Studies for Promotion & Strengthening of Black Pottery at Tyrshang and Larnai’ kawa daw pynkut haka 28 tarik uni u bnai heiwa da em 76 ngut kiwa chna kchu na chnong Larnai ki wow chah hikai.
Ka Institute of Mahatma Gandhi Institute for Rural Industrialization (MGIRI), Wardha hapoh ka Ministry of MSME yong ka sorkar pyrdi da pynman ko yei thooh bniah hapoh i yahkhmat u Dr. K. Venkata Rao, Deputy Director, Rural Craft and Engineering.
Kani ka Scheme toh kawa e yarap poisa na ka Commerce and Industries Department ka sorkar jylla.
Ha kani ka sngi da emlang u Dr. K. Venkata Rao, Deputy Director MGIRI, Wardha, u B. Warjri, General Manager DCIC, WJHD, ka S.E. Kharpran, Functional Manager DCIC, u S. Pale, IPO, DCIC, ka E. Shylla, Field Coordinator, u Waheh Chnong ka Larnai Village wa kiwi kiwa chong chnong.
Discussion about this post