Da yoh pynlait ya ka kynthai wa chah rahbor na East Jaiñtia cha Assam

Kiwa ha-yung ha-sem yong ka khynnah wa chah rahbor ha u dkhar Muslim wa tip kam u Faruk Uddin, da e khublei ki ya u In-charge ka Umkiang PPP, ya ki Women’s Police ka East Jaiñtia, Khliehriat, ya ki pulit ka Kalain wa ki pulit ka Silchar, Assam kiwa da kreh chitom wow thooh ya kani ka khynnah kawa da chah rahbor naka chnong khappood ka East Jaiñtia Hills.

Da ong ki leh wa dei kreh chitom yong ki khlem thiah khlem dem nadooh ka sngi wa da booh FIR khamtam ha kini ki ar sngi hadooh wa chem ya kani ka khynnah hei chait i khiah.

Katkam wa khana kani ka khynnah ha kiwa ha-yung ha-sem, da ong wa uni u bru da rahbor u ka deiwa e chwa dei baam wei heitæ da lai bood ko ya uni u bru khlem da sñiawthooh.

Related posts

Kem ki pulit sa uwi heiyatoh wa i chah tooh kari wei chah pynyap uwa na West Jaiñtia | Le ngut kiwa emkti

August 4, 2026

Chah kem ki ar ngut heiyatoh wa i chah pynyap wei tooh ya ka kari uwa na West Jaiñtia Hills

August 2, 2026

Manda poi ki cha Assam heithaw wa sah uni u bru, da maham pynyap u ya ki payu ko lada ym bien ko ya oo.

Kam wow pynkynmoo wa kani ka khynnah toh kawa da wiar da jan dap chi tayaaw nadooh ka 10 tarik wei neiliang kiwa ha-yung da e khublei ki leh ya ka chnong ka thaw, yaka seiñ KSU wa ya ka Deiwi Tongper kiwa da ye u yarap hadooh wa chem biang ya ka khon yong ki dei kmen.