Meghalaya Games: 25 tylli ki takma yoh ka East Khasi Hills du hei yakob yimpa

Kiwa yimpa ka East Khasi Hills da pynyoo ki bor heiwa da jop ki 9 tylli na ki 10 tylli ki Takma Ksiar wei da yoh ki leh sa 6 tylli ki Takma Rupa haka sngi nyngong wa pynman yaka yakob yimpa ha Rongkhon Swimming Centre.

Ka East Khasi Hills da yoh ki leh waroh ki Takma Tama kiwa 10 tylli.

Kawi ka Takma Ksiar da lai ko cha ka South West Khasi Hills kawa da yoh 3 tylli ki Takma Rupa.

Women’s Wrestling:

Ha kani ka yaslait da pynman ar tylli ki jait yalehke ha St Mary’s HS School heiwa ka East Khasi Hills da jop lut ko ya waroh ki Takma Ksiar wa ki Takma Rupa wei ym em e ya ki Takma Tama ha kani ka yakob.

Taekwondo Poomsae:

Ka WGH da lehbha ko ha kani ka yalehke deiwa yoh 2 tylli ki Takma Ksiar, kawi ka Takma Rupa wa kawi ka Takma Tama.

Related posts

Khut ka Nangbah SA wow chimbynta ha ka lympung yalehbol wa Rs.1.5 lak ka song poisa

August 6, 2026

3rd Division EJHDFA: Jop ka Pyrtakuna, ka Lummyrli wa ka Moonongtdu

August 5, 2026

Kawi ka Takma Ksiar da lai ko cha ka West Jaiñtia Hills kawa da yoh leh kawi ka Takma Rupa wa kawi ka Takma Tama. Ka Ri-Bhoi won da yoh ko kawi ka Takma Rupa wa ar tylli ki Takma Tama katwa ka East Khasi Hills won da yoh ko 3 tylli ki Takma Tama.

Football:

Haka Under 18 Women’s Category, ka Ri-Bhoi da jop ko yaka East Jaintia Hills da 1-0 da ka kool wa thap ka Dimika Khonkhai. Ha kawi won ka yalehke, ka West Khasi Hills da jop ko yaka West Garo Hills da 2-0 lyngba ki kool wa thap ka Philasakhi Margnar waka Blessiful Thongni.

Kiwa psiah Semi Final toh ka Ri-Bhoi, SWKH, EWKH waka EKH.

Ynne da sdang leh ki yalehke Badminton, Wushu, Golf, Boxing, Archery, Gymnastics, Shooting waka Volleyball.