Ka VPP haka kyrwoh wa da phah da ong ko wa neidaw wa u Conrad Sangma kam uwa yahkhmat ka sorkar MDA-II ym bien u wow jubab yei dawa ka Party wow thung kreh biang ya ki Officer ka Lokayukta, kamtæ neiliang ka VPP da chim ko yaka rai wow pynman dei yakhih chong kyllaiñ myngngor.
Kani ka yakhih toh kawa daw pynman hakhmat ka Meghalaya Secretariat haka 19 tarik heipor wa man kreh itæ nadooh 10:00 waje i step hadooh 4:30 i janmiet.
Yeini daw pteiñ biang ha ka 22 tarik lada ka sorkar ym leh ko katkam wa da dawa na ka.
Ka VPP da ong ko wa ini i pyndooh kreh ya kini ki Officer man ko kamwa yoobeiñ ya ki kamjooh yaka jylla waroh kawi wei toh i kaamram yong waroh kiwa chong chnong wow ksohkti lang ki yow pyndem ya kani ka sorkar.
Ka Party da kyntu ko leh ya kiwa kwah u chimbynta wow pyrchah wym toh u le ki iwon iwon wow tyngkheiñ yaka aiñ wei wow pynthut yei suk i saaiñ wei kitu kiwa leh pyrchah daw hap ki wow bahkhlieh hi.
Discussion about this post