Ha ka sngi wa le ka 5th Meghalaya Games kawa da pynman ha Tura, West Garo Hills District da ye wow pynhaap pyrda ya ka yalehke Wushu
Ha kani ka yalehke kawa da pynman ha Don Bosco School da khur jop da ki District waphær waphær wei da yaknieh ki ya 9 tylli ki Takma Ksiar.
Ha ka Sub Junior Boys (45 kg), ya ka Takma Ksiar da khur da ka Eastern West Khasi Hills hadien wa da pynrem ko yaka West Khasi Hills. Katwa yaka Takma Tama da khur da ka East Khasi Hills waka South West Khasi Hills.
Ha ka Sub Junior Boys (35 kg), ka East Khasi Hills da pynrem ko yaka South West Khasi Hills katwa yaka Takma Tama da yoh ka Ri-Bhoi.
Ha ka Junior Boys (45 kg), ka EKH da yoh Takma Ksiar ko hadien wa jop yaka West Khasi Hills, katwa ya ki Takma Tama da yoh da ka East Khasi Hills wa East Jaiñtia Hills.
Ha ka liang ka Senior Men (45 kg), ka Eastern West Khasi Hills da jop ko yaka East Khasi Hills. Najrong kini ym em de kiwa yoh Takma Tama neidaw wym em de kiwi kiwa chibynta ha kani ka kyrdan.
Ha ka Junior Boys (45 kg), ka EKH da jop ko yaka South West Khasi Hills. Ya ki Takma Tama da yoh da ka West Khasi Hills wa East Khasi Hills.
Ha ka Junior Girls (45 kg), ka East Jaiñtia Hills da khur ko yaka Takma Ksiar, katwa ka West Khasi Hills da khur ko yaka Takma Rupa. Ya ka Takma Tama da yohlang da ka Ri-Bhoi waka EKH.
Ha ka Junior Boys (48 kg), ka West Khasi Hills da yoh ko yaka Takma Ksiar deiwa jop yaka Eastern West Khasi Hills. Ka East Jaintia Hills waka East Khasi Hills da yoh lang ki yaka Takma Tama.
Ha ka Junior Girls (48 kg), ka East Khasi Hills da yoh Takma Ksiar ko, ya ka Takma Rupa da yoh ka West Khasi Hills katwa ka West Garo Hills da yoh Takma Tama ko.
Ha ka Junior Girls (52 kg) da yoh Takma Ksiar wa Rupa da ka East Khasi Hills deiwa jop yaka West Khasi Hills. Katwa yaka Takma Tama da yohlang da ka South West Khasi Hills waka East Khasi Hills.
Discussion about this post