Yoh ka JNC-Nongkhlieh Circle ya kiwa kitkaam wa thymme

Ha ka 17 tarik, ha ka yalang wa pynman ha ka Dorbar Hall ka chnong Shnongrim, Elaka Nongkhlieh, East Jaiñtia Hills, ka seiñ Jaintia National Council (JNC-CEC) da yoh ko wow pynthymme noh ya kiwa kitkaam yong ka Nongkhlieh Circle neibynta ka samoi wow wan deiwa emlang kiwa yahkhmat ka seiñbei wa kynthup ya u General Secretary, u Wanshwa Suting, u Asst. Secretary, u Allmiki Ryngkhlem, u Arts & Culture Secretary, u Mehi Rymbai, u President Sumer Circle, u Sakilan Chyrmang wa kiwi kiwi de kiwa yahkhmat wa ki dkhot na ki Unit ki Circle waphær waphær ka seiñ.

Ya ka yalang da pynlai da u Mebanteilang Sukhlaiñ, Publicity & Information Secretary JNC-CEC, da pdiang ya kiwa yahkhmat wa ki dkhot kani ka Circle da u President ka JNC-Sumer Circle, u Sakilan Chyrmang wei da yoh yei sneiñ i kyntu na u Mehi Rymbai wa kamjooh leh na u Allmiki Ryngkhlem kiwa da e bor e mynsien yaka Circle yow nang ya kreh chitrhem ki neibynta ka ri waka jaitbru.

Ya ka bynta kawa emkaaam yow pynskem wei wow pynsmai ya ki dkhot ka Circle da pyndep da u Wanshwa Suting uwa da ong wa ka jaitbru katni toh kawa em ha kyndian synrang wei lada ym man i kiwa ya tylli ym slem da ka ri yong i daw chah tlep noh ko.

Da ong u leh wa ha kam kini ki sngi iwa maa dooh wa em ki bru wa chim kabu deiwa leh Benami kiwa leh maya hei pyrtuid ka jaitbru du wow yoh myntoi samen da hun ki wow dai ya i doh i snaam, kamtæ da ong u wa kam kiwa yahkhmat hap i wow maad yei eh hei lai luti tangwa hanla kattæ leh ymtoh u chah yah bakla wei toh u yieñ skem neibynta wow e chakri kawa paka yaka ri waka jaitbru.

Kiwa kitkaam wa thymme ka JNC Nongkhlieh Circle man ki kamni:

President- Niki Sutnga

Vice President- Pynbait Sutnga

General Secretary- Daniwan Dkhar

Asst. Secretary- Rimiki Sutnga

Organising Secretary- Winson Pyrngap

Asst. Organising Secretary- Kheplang Pajuh

Publicity Secretary- Trechan Pyrngap

Education Secretary- Jimmy Biam

Finance Secretary- Fighting Dkhar

Sports Secretary- Force Pyrngap

Discipline Secretary- Rison Rupon

Environment Secretary- Mewan Sukhlain

Office Secretary- Laitstarwel Dkhar

Executive Members:

Wanhi Pajuh

Juhmyshwa Rupon

Sanyo Suba

Shaining Sukhlain

Henryki Suba

Sainbor Bamon

Sambun Pajuh

Pleas Rupon

Da jied leh ya 10 ngut ki dkhot.