Ha kani ka Meghalaya Games 2024 da pynman leh yaka yaleh Golf ha ka 9-Hole Durama Golf Course wa em ha BSF Camp ha Danakgre, Tura heiwa da em 24 ngut kiwa yaleh Golf na ki le District ka jylla kiwa da chimbynta ha kiwa boon ki kyrdan.
Ki yalehke wa da pynman toh haka kyrdan Super Seiniors, Seniors, Mid Amateurs, Amateurs, Professional wa Ladies.
I yaknieh jop toh kiwa hapyrdi kiwa yaleh Golf ka Shillong wa Tura.
Ha ka kyrdan Amateur da yoh Takma Ksiar u Jonathan Lawphniaw, ha ka Professional da yoh Takm Ksiar u Sonu Rai, ha ka Mid Amateurs da yoh Takma Ksiar u Gaurab Bajaj, ha ka Seniors da yoh Takma Ksiar da u MLA warim, u Billykid A Sangma, ha ka Super Seniors da yoh Takma Ksiar da u Stephen Momin katwa ha ki Ladies Category da yoh Takma Ksiar ka Ooma Tewari Tariang.
Neiliang ka West Jaiñtia Hills da em du uwi donhi uwa yaleh Golf wa lai mihkhmat wei utæ toh u Jason Passh uwa da yoh Takma Ksiar ha ka kyrdan Amateur.
Discussion about this post