Chimbynta lang ka bei waka khon haka 5th Meghalaya Games

Ka parom wow e mynsien da mih ko naka Meghalaya Games 2024 heiwa ka Marbarisha M Pdah (44 snem) da hap ko wow pynliah ya idæ yow yakhun ha chrooh ka khon khyntai ko, ka Toiaibha M Pdah (24 snem) kiwa da yaleh lang ha ka Senior Women’s Category ka 10m wa 50m Rifle Event wei kawi won toh haka 10m wa 25m Pistol Event.

Ka lai luti yong kini ki arngut da pynyoo che ko yei khlan ka yung ka sem wow lai lang yow pynmankaam yei angnood yong ki.

Ini waroh toh hadien wa ka manbei da yoh mynsien ko nei sñiawsuk ka khon wow siat Pistol wei katwa dang lang ki por, da hikai ko yaka khon wow siat Pistol yow e mynsien yaka. Wei hadien wa da yoo wa ku ka khon ko ha ki kaam yalehke waphær waphær, neiliang kani ka manbei da sdang ko u thooh ki laad yow nang ku ka khon ko.

“Hawa nga yoo O yaka Toiaibha wa yieñ ko haka yurim wow poi cha ka thong, ini da pynka-it yei mynsien yong nga wei nga da sñiawthooh O wym pu der i por wow beh yaka thong wow yoh yeiwa da yimphoo,” ong ka Marbarisha.

Related posts

Santosh Trophy 2024-25: Wot hadien wa chah thap 3-1 dang jop ka Meghalaya ya ka Arunachal

November 20, 2024

Chah thung uwa na Meghalaya kam u Manager ka Indian Senior Women’s Cricket Team

November 20, 2024

Hawa klam chwa ka yakhun 5th Meghalaya Games da ong ko, “Ka Meghalaya Games e ko ya i yaka kabu wow mih madan lang yow wanrah burom ya ka jylla.”

Hawa yoh u yaklam tbian waka Toiaibha, da ong ko, “Kam ka khynnah skur, nga man O kam ka NCC Cadet, wei toh neini da sdang O wow sñiawsuk u siat suloi. Ka bei O leh da e mynsien ko ya ka nga wow lai cha ki NCC Camps wei da e mynsien ko leh wow lai bait chakhmat hei siat suloi.”

Da khana ko wa ha u snem 2016, da yoh Phone ko na kawi ka lok yow man dkhot haka Shooting Association. Wei da leh ko yeini deiwa kwah ka bei ko wow man ko kam kawa yalehke wei da lai synraan ko leh yaka ha ki yalehke wa da pynman ha Assam Rifles kawa em ha Happy Valley, Shillong.

Da khana ko wa nyngkong ka bei ko da artatien ko wow chimbynta lang neidaw i rta ko tangwa ka jooh synraan ko yaka cha ki State wa National Championship yow e mynsien.

Ka Toiaibha da khana ko wa hadien 4 snem hadien wa yoh yaka thaw yasiat, ka bei ko da psiah ko kam ka dkhot ka Shooting Association wei hadien ini da ong ko wa ka leh kwah ko wow man kam kawa yasiat.

Deiwa yarap kawa sikai ya ki, da jied ko wow sdang u chimbynta ha ki e hikai siat 10-meter Air Rifles wei hadien chi snem da lai chimbynta ko haka 4th Meghalaya Games wei hadien kani da chimbynta ko ha kiwa boon ki yakob.