Yachem ka BJP Meghalaya wa u Amit Shah yow yaklam ILP wei tipmit yaka ktien Khasi wa Garo

Ka BJP Meghalaya hapoh i yahkhmat u State President, u Rikman Momin wa u Montri ka sorkar jylla, u AL Hek da lai yachem ki wa u Home Minister ka ri, u Amit Shah ha Shillong ynne i janmiet.

Ha ini i yachem da yoh wow yaklam hajrong ki phang wa emkaam yong ka jylla kam i tipmit ya ktien Khasi wa Garo hapoh ka 8^th Schedule deilang wa i dawa e ILP wei wow wai ya ki laad ki luti wow khayi cha baar ri itæ cha Bangladesh lyngba ka Meghalaya.

Ka BJP Meghalaya da pyntip ko wa u Amit Shah da e u yei por wow ap yeini waroh wei da kular u wow bichaar bniah ya kini ki phang.

Ha iwi won i liang, u Amit Shah da khut sñiawbha u leh ya kiwa yahkhmat niam yong ka jylla cha ka nongbah Delhi hapoh i yahkhmat u State President wa u AL Hek yow yaklam hajrong ka FCRA wei yow e thaw ha nongbah Delhi neibynta ka KJP Synod.