Ka 5th Meghalaya Games kawa da pynman ha Tura dapoi noh ko cha wakut ynne ka sngi haka yalang pynhaap pyrda wa da pynman ha P.A. Sangma Stadium deiwa wan sakhi lang u Chief Minister ka Meghalaya, u Conrad K Sangma kam u kongsan deiwa emlang kiwi de kam u Minister of Sports & Youth Affairs, u Shakliar Warjri, ka Minister of Health & Family Welfare, ka Dr. M. Ampareen Lyngdoh deilang wa ki MLA wa MDC ka thaaiñ wa ki sahep sorkar.
Da pynbna leh wa yaka Meghalaya Games 2025 daw pynman ha Jowai.
Ka East Khasi Hills da man ko kam kawa jop lut ya waroh deiwa yoh 359 tylli ki takma wa kynthup ya 132 tylli ki Takma Ksiar, 105 tylli ki Takma Rupa wa 122 tylli ki Takma Rupa.
Hei wa ar da wan ka Ri-Bhoi kawa yoh 79 tylli ki takma wa kynthup ya 27 tylli ki Takma Ksiar, 22 tylli ki Takma Rupa wa 30 tylli ki Takma Tama.
Yei wa le da yoh ka West Jaiñtia Hills kawa da yoh waroh 68 tylli ki takma wa kynthup ya 25 tylli ki Takma Ksiar, 18 tylli ki Takma Rupa wa 25 tylli ki Takma Tama.
Ka East Jaiñtia Hills da yoh wa ynru ko deiwa yoh 35 tylli ki takma wa kynthup ya 9 tylli ki Takma Ksiar, 13 tylli ki Takma Rupa wa 13 tylli ki Takma Tama.
Na waroh ki District du ka South West Garo Hills ka wym em yoh takma ksiar.
Na kiwa yalehke kiwa boon dooh wa yoh Takma Ksiar toh ka Pdiangsuklang Syngwan kawa da yoh 6 tylli ki Takma Ksiar ha ka yimpa heijooh i por da yoh u leh kawi ka Takma Rupa wa kawi ka Takma Tama yoh pyntam lut ya waroh.
Na East Jaiñtia Hills u Lambormi Phawa da yoh u 3 tylli ki Takma Ksiar hei yah Cycle katwa na West Jaiñtia Hills ka Damandashisha Pasi leh da yoh ko 3 tylli ki Takma Ksiar hei yasiat khnam.
Kiwi de kiwa yoh palat 3 tylli ki Takma Ksiar toh ka Glorify Kurbah kawa yalehke Athletics ka East Khasi Hills kawa yoh 4 tylli ki Takma Ksiar.
Ha kani ka yalang pynhaap pyrda da em leh boon kiwa tem wa put wa pynwyrngia wa i thang ya ki bomkala.
Discussion about this post