Ka chnong Khliehriat ynne da yoh ko ya ki madan yalehbol wa tip kam ki Futsal Playground kiwa da chna hapoh ka District Mineral Fund (DMF), East Jaiñtia Hills District kiwa da wai paidbah da u MLA ka thaaiñ uwa man leh kam u Montri sorkar, u Kyrmen Shylla kiwa em ha Khliehriat West wa Khliehriat East.
Ha ka yalang wai ha Khliehriat West da emlang leh u Deputy Commissioner, East Jaiñtia Hills District, u A. Baranwal, U MDC ka Rymbai Khliehriat, u Finelyness Bareh, ki waheh chnong, ki dkhot ka Khliehriat West Sports Club wa ki bru paidbah.
U Kyrmen Shylla hawa e yei klam da yaroh u ya u DC wa waroh kiwa emkti wow chna ya kini ki madan nadooh kiwa yahkhmat ka chnong wa u Contractor deiwa yooluti wa kini ki madan daw yarap ki wow sai ya kitu kiwa em yei sap wow yalehbol.
Da khana u leh wa haka bhah wa nyngkong (1st Phase) u chna 5 tylli kini ki madan Futsal wei 2 tylli toh kiwa da dep chna ha East wa West Khliehriat.
Da pynbna u leh wa da booh bhah u Rs. 5 lak naka MLA Schem yow kær yaka madanbol ka Khliehriat West.
Ha ka yalang wow wai yaka madan wa em ha Khliehriat East, da wai lang leh yaka thaw pynyieñ kari da u Kyrmen Shylla deiwa emlang ka MLA ka Sutnga-Saipung MLA, ka Santa Mary Shylla wa kiwi de.
Discussion about this post