Ka 10th Secondary School Football Tournament da pteiñ yaka ynnin ka sngi deiwa pynman artylli ki yalehke ha madan Pdengshakap, West Jaiñtia Hills.
Haka yalehke wa nyngkong da pynman hapyrdi ka Golden Lion FC (Rymbai) waka Border United heiwa ka Golden Lion da jop ko yaka Border United da 3-0 da ki kool wa thap da u Tenligen Dkhar haka minit wa 30, u Iaishah Bareh haka minit wa 38 wa u Harista Suchen haka minit wa 72.
Haka yalehke wa ar won, ka YFC Trangblang da jop ko yaka Lamare SC da 4-2 deiwa ya chut Tie-Breaker hadien wa kut ka yalehke da 2-2.
Yaka YFC Trangblang da thap kool da u Babyson Marngar haka minit wa 29 wa 39 katwa yaki kool ka Lamare SC da thap da u Dajied Kassar haka minit wa 26 wa u Sabio Pohsngap haka minit wa 35.
Ki yalehke ha kani ka 4 tarik toh i sdang yaka 2nd Round deiwa pynman artylli kiwa daw sdang da ka Nangbah Mulang SC waka Thrangchynnam FC heipor 12:00 waje i sngi wei daw pynbood sa da ka yalehke hapyrdi ka Kner Sungoh (Namdong) waka Thun FC heipor 2:00 waje i sngi.
Discussion about this post