Ka sorkar India da pynkhreh ko yow pynman yaka ri ka wym em de kiwa khrong ‘Bhiksha-Vritti Mukt Bharat’ (Beggary Free India) deiwa jied ya 30 tylli ki sor yow leh sorjamin yow chem wei wow yarap ya kiwa khrong nadooh kiwa da heh kamjooh ki khynnah.
Ya ini da booh thong wow pyndep da ka Ministry of Social Justice & Empowerment deiwa kyrchaan ya ki bor District wa ki Municipal yow pait ha kiwon ki thaw wa boon em kiwa khrong wei wow pyndep yeini chwa u kut u 2026.
Yow ye u leh yeini da wanrah leh ya kawi ka Scheme wa tip kam ka Support for Marginalised Individuals for Livelihood & Enterprises (SMILE) yow e kyrchaan ya kiwa khrong khang yow ye ki u lait u leh yeini.
Ka sorkar da jied ko 30 tylli ki sor nadooh na khlieh hadooh ha tre, na mihsngi wa cha sepsngi ka ri kiwa nadooh na Guwahati na mihsngi, ka Trimbakeshwar na sepsngi, ka Ayodhya na khlieh waka Thiruvananthapuram cha tre ka ri.
Ka sorkar daw sdang ko leh da ka Mobile App yow ye ki bor District wow leh smat yei sorjamin yow pynlang yei pyrtuid kini kiwa khrong. Da em leh ki sor kiwa da pyndep ya kani ka sorjamin kam ha Kozhikode, Vijayawada, Madurai wa Mysuru.
Hadien wa pyndep yaka sorjamin daw e yarap ya kiwa khrong yow ye ki u yieñ hei kjat yong ki hi.
Ya ini leh da dep pyprchang ha chnong Varanasi da ki bor District heiwa da chem 486 ngut kiwa khrong ha u snem 2023 wei dang booddien wa lada i e yarap da mankaam i wei da dam ki wow lai khrong.
Discussion about this post