Ka Kyrmen Foundation hei ya krehlang waka Rangdajied United FC, kam chibynta u pynku yei kaam yalehbol ha East Jaiñtia Hills District, da pynman ki yaka Football Trial wa ar sngi haka 29 wa 30 tarik uni u bnai ha madanbol ka East Jaiñtia District Football Association wa em ha chnong Deinchyrum.
Ya kani ka jied ya kiwa yalehke namo ka Trial, da pynman kyrpang du neibynta ki khon ka East Jaiñtia Hills District donhi neibynta ki chynrang wa kynthai ha ki 4 bynta kitæ ka Under-10, Under-12, Under-14 waka Under-16 heiwa ki Coach na Rangdajied United FC wa ki kattu katni ngut ki Coach na East Jaiñtia da wan ki u pynlai wei u pait u yoo yei rukom yalehke ki khynnah.
Ha waroh ki 4 bynta da wan hadooh 260 ngut ki khynnah na kylleiñ ki chnong ka East Jaiñtia Hills District.
Ya kani ka Trial da wan sakhilang leh da u Eugeneson Lyngdoh uwa man leh u khloor yalehbol ka ri heijooh i por wa man leh u President ka Rangdajied United FC, ryngkat i emlang ka Secretary ka Kyrmen Foundation wa ki bei ki pa yong ki khynnah wa wan chimbynta.
Ki khynnah wa chah jied daw yoh ki ya ka e sikai wa mynkna namo ka Free Football Coaching wa chi snem pura wei daw yoh ki leh wow chimbynta ha ki lympung yalehbol.
Discussion about this post