Ka BJP Schedule Tribe Morcha man ko kawi na ki chnat krehkaam ka BJP ha ka jylla kawa pait ya i bha i miat ki paaid ri-loom, wei ynnin da pynman ko yaka yalang wow tipmit ya kiwa kitkaam kani ka chnat hapoh Meghalaya kawa da seiñ ynnin ha nongbah Shillong.
U President kani ka chnat u Thomas Marak da ong u wa ka BJP da pynkrehkaam thymme ko yaka ‘Vocal for Local’ kawa pynchlur wow pynku ya ki rukom im wa kyrpang yong jar jiar ka jaitbru deiwa pyndep yaka thong Gaon Chalo Abhiyan næ wow lai cha ki chnong palatsor ha kylleiñ ka Meghalaya.
Ha kani ka yalang da emlang u State President ka BJP, u Rikman Momin uwa da pdiang burom ya kiwa kitkaam thymme wa ya ki District President kamjooh ki Committee yong ki.
U Rikman da kyntu u leh ya kiwa kitkaam ka ST Morcha wow kreh chitom ki wow pynkhlan yaka BJP wei wow pait ya i bha i miat ki paaid ri-loom wow em i yatylli.
Ka ST Morcha daw chimkhia ko leh wow yarap ya ki tre ri ha ki thaw palatsor lyngba ki Scheme waphær waphær yong ka sorkar pyrdi.
Kiwa kitkaam waroh ka ST Morcha da iwi i sur da kular ki wow kreh na mynsien wow lai pynsñiawthooh paidbah kammon ki myntoi wa wan cha ka jylla hapoh i yahkhmat u Montri Rangbahdooh, u Narendra Modi.
Discussion about this post