Pynchlur u Conrad wow pynneh yaka ktien Koch wa Hajong heithaw ka Assamese wa Bengali

U Montri Rangbah ka jylla, u Conrad K Sangma, ynne da chimbynta u haka 54th Annual Conference yong ka Meghalaya Koch Association ha Jatrakhona, South Garo Hills, Meghalaya.

U Conrad da yaroh u ya ki dkhot ka Meghalaya Koch Association kiwa ha kini ki 54 snem da pynman ki ya kani ka yalang iwa pynyoo wa maya ki yaka jaitbru ki, deiwa pynchlur ya ki wow pynman chooh kam kini ki yalang wow pynneh ya i rukom im kani ka jaitbru dei em i mynsien maya ri.

Da ong u leh wa kani ka yalang najrong wa pynyoo ko ya i rukom im ki jaitbru Koch da pynchlur u leh ya ki wow tip ya i rukom im kiwi ki jaitbru hapoh ka jylla. 

Deiwa pdiang yeiwa tyrwa ka Meghalaya Koch Association wow pynneh ya ki ktien yong ki Koch, Hajong wa kiwi ha ki skur heithaw ka ktien Assamese wa Bengali, u Conrad da ong u wot ka New Education Policy em ko ki kyndon wow pynchlur u pynneh wei pynemkaam ya ki ktien wa klam ki ha yung ha sem wei u yarap u ya ki yow poi cha kani ka thong. 

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha kani ka yalang da emlang u MLA ka Salmanpara, u Ian Botham K Sangma, u MLA ka Baghmara, u Kartush R Marak, u MLA ka Chokpot, u Sengchim N Sangma wa ki MDC.