Ka 10th Secondary School Football Tournament kawa da pynman ha madan Pdengshakap, West Jaiñtia Hills da pteiñ yaka ynnin ka sngi deiwa sdang ko yaki yalehke Second Round kiwa da pynman ar tylli.
Haka yalehke wa nyngkong, ka Thrangchynnam FC da jop ko yaka Nangbah Mulang SC da 6-5 deiwa yachut Tie-Breaker hadien wa kut ka yalehke da 0-0.
Haka yalehke wa ar, ka Thun FC da jop ko yaka Kner Sungoh (Namdong) da 6-2.
Ya ki kool yong ka Thun FC da thap da u Deibor Tongper haka minit wa 7 wa 15, u Marshial Nongrum haka minit wa 49 wa 54, u Khraw Lyngdoh haka minit wa 62 wa u Shngain Suting haka minit wa 63, katwa yaka Kner Sungoh (Namdong) da thap da u Raw haka minit wa 55 wa u Mon Phawa haka minit wa 78.
Kamtæ ka Thrangchynnam FC waka Thun FC da yoh ki wow psiah Quarter Final.
Ki yalehke 2nd Round u pteiñ biang ki haka 10 tarik da ar tylli deiwa sdang da ka Rymbai Shkenshynriah SC waka Swer United heipor 12:00 waje pyrdi sngi wei daw pynbood da ka Nohron SC waka Khyrwait naphang FC (Demthring) heipor 2:00 waje i sngi.
Discussion about this post