Uwa e ktien yong ka sorkar MDA-II uwa man leh kam u Montri sorkar, u Paul Lyngdoh da ong u wow pynman kaam Politics yaka Lokayukta deiwa yahbakla yei sñiaw ki paidbah ym man iwa emburom, wei pynyoo ko leh wa em i pyrchang wow pynbakla luti ya kiwi ki phang wa emkaam ki paidbah.
Kam wow pynkynmoo wa ka VPP da pynman ko yei yakhih yow dawa thung kreh biang ya ki 3 ngut ki sahep yong ka Meghalaya Lokayukta, wei kani kani ka seiñ kawa em 4 ngut ki MLA da lai ki leh wow pynbna ha ki chnong ki thaw yow pynksan yeini i dawa yong ki wa man ko kawa tne.
Hajrong ini, neiliang u Paul da ong u wa ki dkhot ka VPP da dep yachem ki waka Montri wa pait yaka chnat Aiñ wei u Montri Rangbah leh smat u wow yachem kamwa kwah ki hajrong kani ka phang, wei pynrap u wa yung dorbar daw man ko ha uni u bnai wei man ko ka laad ya ki wow wanrah ya ini yow yaklam.
Hajrong i kam ka VPP wa i pyndam kreh ya ki sahep toh wow yada ya ki bru wa emkti wow baam tooh, neiliang u Paul da ong u wa ha kammon u yada hawa ka Lokayukta ymtoh kawa pait da ka sorkar, tangwa i thmu toh yow bichaar hok, wei i yaklam hapoh yong ka Lokayukta toh iwa ki paidbah leh yei ki wow pait yow bichaar, kamtæ ym ye wow murieh. Heiyatoh won wa ki 3 ngut ki sahep, u Paul da ong u wa ka aiñ da klam che ko wa ki sahep toh u man ki da kiwa dang kreh yei kaam wei lada lai pyrchah yeiwa da ong ka aiñ, ka sorkar daw chah pynbaad ko wa tyngkheiñ aiñ, kamtæ da ong u wa kammon u e ka sorkar yaka synchaar khadar kawa khooid wei kwah ki leh heijooh i por wow tyngkheiñ aiñ.
Discussion about this post