Wanrah ka sorkar da ka Bill wow daiñ kuna Rs. 1 klur ya kiwa leh thok ha ki Exam yaleh kreh

Ka sorkar u Narendra Modi ynnin ka sngi da wanrah ko da ka Bill hapoh ka Lok Sabha yow khang laad yei leh thok ha kiwa boon ki Exam yaleh kreh wa da pynman da ka sorkar.

Kani ka Public Examinations (Prevent of Unfair Means) Bill, 2024 da wanrah da ka Ministry of Personnel, Public Grievances and Pensions deiwa khana ya kiwa boon ki rukom leh thok heipor wa yaleh Exam wei manda pynkrehkaam ya kani ka aiñ, kiwa yaleh pyrchah daw chah pynchitom ki.

I thong kani ka Bill toh yow wanrah yei khooid hawa yaleh kreh yow pyntikna wa du kiwa toh u yoh kreh u yoh ki ya u soh i jop.

I pynchitom toh lada jia chem wa lait tooh ki thup yukylli wa kiwa emkti u leh yeini, kiwa yarap ya kiwa yaleh Exam, i pynyklla ya ki OMR Sheet, i pynkylla yei thaw chong wa da booh, i maham ya kiwa pynlai Exam, kiwa chna Admit Card thok, i pynkylla yeiwa da dep thoh wa kiwi kiwi de.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Kani ka Bill u krehkaam ko neibynta waroh ki Exam wa pynman da ka UPSC, SSC, RRB, ka Institute of Banking Personnel Selection, ki Ministry wa Department ka sorkar pyrdi deilang kiwa em hapoh yong ka, ka National Testing Agency wa kiwi de kiwa da yoh bor naka sorkar pyrdi.

Kiwon kiwon ki bru wa leh thok wa tyngkheiñ ya ki kyndon u chah kem ki ym duna 3 snem hadooh 5 snem deilang waka kuna wa Rs. 10 lak.

Lada chem won wa da emkti boon ngut wow leh yeini i kaam daw chah kem ki ym duna 5 snem hadooh 10 snem wei daw chah pynngat ki Rs. 1 klur ka kuna.