Neidaw wa joor ka khayi tooh ha khappood ka East Jaiñtia Hills waka ri Bangladesh heiwa ki chipai ka 172 Bn ka BSF da pyntip ki i khayi tooh toh nadooh ki masi, ki tiar ki tar, u kwai, i ktung, ki biri, sikret, salcha wa kiwi kiwi de wei da em leh ki kaam pyrchah ri hajan u pood khamtam heipor miet deiwa em ki seiñ kieñ suloi wa ki Rohingya kiwa ye leh u psiah chapoh ka ri.
Wei da em leh ini wa dep wa chah pynyap uwa chong chnong ka Umkiang ha ki nong Bangladesh kiwa da psiah tooh chapoh India wei ini waroh da ktah ko yei chongsuk hapoh ka District.
Kamtæ neiliang u DC ka East Jaiñtia Hills District da pynkrehkaam u da ka Section 144 CrPC yow khang yei lai i wan ki bru ha khappood waka ri Bangladesh dei thmu wow mih wei psiah tooh.
Da khang leh yei khayi tooh ya ki mar wa man pyrchah aiñ kamjooh ki masi, u kwai, biri, sikret, ktung, slacha wa kiwi kiwi de.
Da khang leh wow lai dei kjat kamjooh da ki kari næ kiwon kiwon ki kari wa kit mar hapoh 5 Km na u pood nadooh 6:00 waje i miet hadooh 5:00 waje i step.
Kani ka hukum u krehkaam ko chisiendon hadooh wa pynmih hukum da kamwi.
Discussion about this post