Lai yachem CEM ka JNC yow daw pynkrehkaam ya ki Jaiñtia Alphabet

Ka Jaiñtia National Council (JNC) ynne ka sngi hapoh i yahkhmat u Sambormi Lyngdoh kam u President da lai yachem ki wa u CEM ka JHADC, u Thombor Shiwat hajrong ki kattu katni ki phang wa kynthup ya ki dak thok Jaiñtia, ki kaam wa yatoh waka Elaka Labang-Nangphyllut wa i rukom chim jait.

U Sambormi da pyntip u wa hawa yaklam wa u CEM da ong wa ki dak Pnar namo ki Jaiñtia Alphabet toh kiwa da dep mynjur da ka JHADC ha u snem 2021 tangwa hadooh katni ym pu em pynkrehkaam ki kamwa da thrang da kiwa chong chnong ka Ri-loom Jaiñtia.

Heiyatoh wa ini, neiliang u CEM da khana u wa ka JHADC da dep ko wow phah cha ya kini cha ka Law Department ka sorkar jylla wei da ong u leh wa ka JHADC daw booddien ko yeini.

Neiliang ka seiñ da kyntu ko yaka Ampareen Lyngdoh kawa man kam ka Montri kani ka chnat wow chimkhia ko yeini yow lait i u sepai.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Hawa yatoh won waka Elaka Labang-Nangphyllut, ka seiñ da paan pynche ko yeiwa da lai luti ka JHADC yow pynmim biang ya kani ka Elaka nadooh u snem 2023, wei neiliang u CEM da khana u wa ka JHADC da dep ko wow thung da u Acting Dolloi yow leh ya iwa emkaam. Tangwa da pynsñiaw u yei sñiawsih wa hadooh katni ympu em uwi leh u Waheh Chnong wa da wan paan Sanat naka Council. Kamtæ ka seiñ da kyntu joor ko ya u CEM wow chimkhia u hajrong ini khnang wa kitai ki chnong kiwa haap haka Elaka Labang-Nangphyllut u yoh sakhiat ki yei yada.

Heiyatoh wa i chim jait na ka kynthai, neiliang ka seiñ da pynsñiaw ko da em i chongkha khleh wei i rukom chim jait leh da phær ko ymthoh de kam ka dustur. Hajrong ini, u CEM da khana u wa ka JHADC da dep ko wow pynkhreh yaka aiñ wei da em leh ka Customary Law Committee ka Council wei hadien wa da dep wow pynbiang lut daw rah won haka EC ka JHADC.