Rs. 39 klur wow pynkhooid kamjooh u pynmiat yaka Wah Umkhrah

U Montri Rangbah ka jylla, u Conrad K Sangma ynne da ong u wa ka sorkar yaleh ko wow pynkyllooid wei wow pynmiat ya ka sor Shillong deiwa da sdang ko wow leh chiboon ki kaam.

Da ong u wa ka Shillong toh ka sor wa emnaam em parom ha ka thaaiñ mihsngi kawa jooh man kam ka nongbah ka jylla Assam chwa wow phiah ya ka. Da ong u wa i boon ki bru ha ka sor da wanrah i chiboon i eh i khor khamtam wow pynbiang yeiwa emkaam ki paidbah, wei ya ini da klam u heipor wa wai yaka Wah Umkhrah Riverfront Development Project ha Polo, Shillong hei emlang u Symbood Montri Rangbah uwa man leh u Montri ka chnat pynroi sor, u Snaiwbhalang Dhar wa u Montri ka Animal Husbandry & Veterinary u A.L. Hek.

Ka Wah Umkhrah Riverfront Development Project toh ka wow pynmiat yaka Wah Umkrah ka wow man kam ka thaw pynwyrngia wa kiwi ki kaam bhalang heiwa u pynlait hadooh Rs. 39 klur yow leh yeini. 

Da khana u wa ka sorkar da krehlang ko waka Ministry of Jal Shakti yong ka sorkar pyrdi wow pynkhooid yaka Wah Umkhrah wa Umshyrpi neibhah lada pynmiat donhi ya ki rood ym em yumut lada ym ye u pynkhooid yaka wah.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

U Conrad da ong u leh wa ka sorkar pyrdi da phah ko wow sylli biang ya i pynkhooid ya kini ki ar tylli ki wah wei ya ini ka sorkar jylla leh da chimkhia bha ko.

Da kyntu u leh ya ki paidbah kamjooh ki chnong wow krehlang wow pynkhooid ya ki wah kiwa da pynbna naam yaka Shillong.

Heiyatoh wa i pynkyllooid ya ka sor Shillong, da ong u wa da jied ya ki thaw wow pynman kam ki thaw pynyieñ kari wa boon mala wa ki thaw chongdai. Da pyntip u leh wa em i thaw hapyrdi Polo wa Hotel Polo Towers kamjooh ka Majestic Hotel, daw e noh cha ka chnat Urban Department na ka Forest Department wow chna thaw pyntieñ kari wa boon mala.

Heijooh i por da pyntip u leh wa em i thaw hajan Meghalaya Secretariat wa daw chna thaw pynyieñ kari wa boon mala. 

Heiyatoh wa i khynñia ha Khyndailad wa Iewduh, neidaw wa lai wa wan ki kari khlem da em kyndon, da ong u wa da tip kiwon ki thaw wa khynñia wei daw booh noh dei thaw neibynta ki Bus wa ki kari kamai wow pynyieñ ki. 

Ha kani ka sngi u Sniawbhalang Dhar da e u leh ya ki Cheque wa Rs. 75,000 wa Rs. 1,50,000 hapoh ka My City Campaign cha ki Dorbar Chnong ka Shillong.