Yoh yarap ki SHG mar Rs. 50,000 hapoh ka PMKSY

U Montri Rangbah ka jylla, u Conrad K Sangma ynnin ka sngi da lai embynta u haka yalang ki Self Help Groups kiwa yoh myntoi hapoh ka Pradhan Mantri Krishi Sinchayee Yojana, (PMKSY-WDC 2.0) heiwa da saam u leh ya ki Cheques wa mar Rs. 50,000 cha ki SHG wa wan na ki District waphær waphær ka jylla heiwa da emlang leh u Montri ka chnat Soil & Water Conservation, u Marcuise N Marak.

Hawa e yei klam, u Conrad da ban joor u yei emkaam wow yada ya ki tyllong um yow yoh um i da kawa hoi u dih wei wow chet u tu wei kani daw man ko ka thong kawa eh bha ya kiwa boon ki ri neibhah kiwa tooh bniah da ong ki wa ini toh i wym dam de u jia.

Kamtæ da ong u wa i ha Meghalaya toh kiwa da kyrkhu wow em pahooh ka um tangwa emkaam i wow tip u pynlang pynlum ka wei u pynemkaam heitæ i rukom wym pynsepai ka.

Neiliang u Marcuise da ong u wa ka PMKSY toh kawa da yarap bha ya ki SHG yow pynkrehkaam ya kiwa boon ki kaam yong ki nadooh i rukom rep katkam ka juk wa katni wa kiwi de iwa da pynskem yei rukom kamai poisa wei yoh nong ki.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Da ong chooh chooh u wa deiwa pynkrehlang ya kiwa boon ki Scheme yong ki chnat sorkar kam ka Agriculture, Rural Development wa Forestry and Water Resource Management, ka PMKSY da ye ko wow yoh chiboon ki yarap wei lyngba ka chnat Watershed Development Component ka PMKSY da yoh yarap wow pynku bha yaka rep ka riang wei da wai leh ki laad ya kiwa boon wow im-ja ki.

Ha kani ka sngi, ki SHG na Khasi, Jaiñtia wa Garo Hills da khana ki ya ki jait kaam wa da leh ki.