Yang bait u ksaw 48 kynta ya ki arngut kiwa yap mynsoo hadooh wa ye ki pulit u chem ki

Ki ar ngut ki bru (chynrang wa kynthai) kiwa lai uiñke dei kjat cha ka thaaiñ Bir Billing ka Himachal Pradesh da dooh noh ki yei mynsien ki tangwa da ye wow chem yei metyap ki neidaw wym ieh u ksaw ki deiwa yang 48 kynta harood ki hapyrdi i joor i dait thah.

Uni u ksaw German Shepherd uwa pyrtuid Alpha toh uwa da mih lang wa ki, wei ym du wa yada u yei metyap ki tangwa da chang u hadooh wa chem kiwa thooh ki haka 6 tarik uni u bnai.

Kini kiwa khlaad toh kiwa tip kam u Abhinandan Gupta (30 snem) uwa na Punjab waka Pranita Wala (26 snem) kawa na Maharashtra. Kini da wiar ki nadooh ka 4 tarik uni u bnai ha kani ka thaw wa ka-it ki bru wow lai leh Paragliding. Yei metyap ki da chem kamwa 3 Km ha wah ka thaw hær yow leh Paragliding.

Da suba wa kini ki arngut ye u man wa tlær ki tæ haap ki chapoh i synrang wa chem ki heipor wa mut ki wow lai cha kani ka thaw leh Paragliding wei da khlaad noh ki neidaw wa joor i dait thah wei em leh ka yor najrong wa mynsoo ki hadooh wym ye de u lai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

I khlieh yong u chynrang da em leh ki dak wa chah dait u ha ki mrad iwa ye u jia hadien wa khlaad u.

Kini ki arngut da poi ki ha Billing da ka kari hei janmiet ka 4 tarik wei da yahlang ki wa uni u ksaw uwa man yong u Gupta wei da emlang wa kiwi ki arngut wa ki.

Hadien wa pynyieñ kari neidaw wym lait de ka kari wow lai, da lai ki dei kjat cha kani ka thaw hær Paragliding.

Nyngkong da mih ki wow lai soo ngut tangwa neidaw wa joor ka yor, kiwi ki arngut ym nood de ki wow lai chakhmat wei da liwan ki deiwa em kiwa yarap ya ki tangwa u Gupta ong u tip luti hi u, kamtæ ka Pranita deilang wa u ksaw da bood ki ya oo.

Hadien wym em de poi ki hadooh i step ka 5 tarik, kini kiwa lai lang wa ki da lai pyntip ki cha ki pulit wei hawa Phone cha ki leh waroh ar ki Mobile Phone ki toh kiwa dei tympleh.

Kamtæ hei step ka 6 tarik da sdang wow thooh ki deilang wa ki pulit wei da chem ki deiwa sñiaw ya u ksaw uwa da chang khlem sangeh uwa da em ha rood kini ki ar ngut wot hadien wa da khlaad ki.

Uni u bru wa khlaad toh uwa da sah ha iwi i yung wai ha Chaugan wa em ha Bir la san snem wei toh uwa kreh ha ki kaam wa yatoh wow lai yah Trekking wa Paragliding katwa kani ka kynthai won toh kawa dang wan wot cha kani ka chnong na Pune.