U General Secretary ka West Jaiñtia Hills District Cricket Association (WJHDCA), Jowai da pyntip u wa hadien wa yoh NOC na ka yung krehkaam ka District School Education Officer, West Jaiñtia Hills District, Jowai, da rai wow pynman yaka T-20 Inter School Cricket Tournament 2024 (Deuce Ball) neibynta ki khynnah wa hapoh 16 snem namo Under-16 neibynta ki chynrang wa kynthai.
Kani ka lympung yalehke u sdang ko nadooh ka tayaaw wa nyngkong u Wish (March) 2024.
Ki kyndon ka lympung man ki kamni:
1. Ka bai psiah namo ka Entry Fee toh ₹3000 chi Team
2. Ka Registration neibynta kawi ka Team u man ko 15 ngut ymtoh u palat ya 20 ngut.
3. Ka yalehke u man ko T-20 Over One Day Match.
4. Ka tarik wa khaddooh u pdiang ya ka bai psiah toh haka 24 tarik uni u bnai.
5. Kiwa yalehke toh u kha ya ki hadien namo ha ka 31 Duyatra (Jan) 2008.
Yow tip bniah ye u Phone ha kini ki Number- 7005666802, 7005217560, 8729912904, 7085717725.
Ka thong wow pynman ya kani ka lympung toh wow chem ya kiwa em sap ha kani ka yalehke kamjooh leh wow pynku ya ki.
Discussion about this post