Kam chibynta wow bood yeiwa da phah da ka High Court ka Meghalaya heiyatoh waka PIL wa da yaleh hajrong i khynnia ki luti syngkieñ wa i pynkrehkaam yaka aiñ Motor Vehicle Act.
Neiliang u SP ka East Khasi Hills da phah u ya waroh ki OC, ki IC yong ki Police Station/Traffic Branch/Beat House/OP wa em hapoh ka District wym toh de u chah ki wow pynhaap wei pynkit ya ki mar wa kamjooh ki tiar chna yung kamjooh wow pynemkaam yaka luti syngkieñ yow kreh hawa pynchna ya iwon iwon wei ini kynthup nadooh ki luti lai kjat, ki sarok wa kynthup leh ya ki National Highway.
Najrong ini da khang leh wow pynyieñ kari deiwa neh miet hadooh wa che ha rood sarok da ki tre kari wym em thaw booh kari.
Ki Dorbar Chnong toh u pynman yalang ki yow chim rai yow thooh thaw pynyieñ kari.
Da phah leh ya ki dong ki chnat wow pynbna chnong ki heiyatoh wa ini.
Chooh chooh da phah leh wow chondur yow pynsakhiat wa da bood ya ini wa da phah ha næ chwa ka 20 tarik uni u bnai yow pynyoo cha ka yung bichaar.
Discussion about this post