Ki Petrol Pump ka Manipur kiwa ha Imphal kamjooh ki thaw wa em cha jan da rai ki wow khang noh le sngi nadooh myntu ka 16 tarik hadooh ka 18 tarik kam chibynta wow pynyoo yei pyrchah ki yei chah dawa poisa da kiwa boon ki seiñ.
Ya ini i rai da chim hadien wa pynman yaka yalang wa jhan deiwa emlang 138 ngut ki dkhot ka seiñ kiwa em Petrol Pump kawa da pynman ynnin ka sngi wei da chim yaka rai wow khang chwa yei dai phñiang neidaw wa da joor ktah ko yei khih i khan.
Hachwa ini haka 10 tarik, kini kiwa pynlai ya ki Petrol Pump da lai yachem ki leh wa u Montri Rangbah ka Manipur, u N Biren Singh deiwa ong wa lada i chah dawa poisa ki ym sangeh ki daw hap ki wow khang noh neidaw wym ye de u su.
Da ong ki leh wa i nong yong ki da hiar i da 40-50% najrong wa da duna leh i dai phñiang neidaw i long i man hapoh ka jylla.
Da ong ki leh hadooh kiwa kreh yong ki da chah maham ki wei da em leh kiwa da chah rahbor wei da chah dawa poisa ki.
Chooh chooh da em leh ki Petrol Pump kiwa da chah phah khang lada ym ye ki u su wei katni da chitom ki hadooh wow su yaka tulop kiwa kreh ki.
Nadooh u Nasisan, 2023 kiwa boon ki Petrol Pump da chah dawa poisa ki hadien wa sdang ka kynaad hapoh Manipur.
Discussion about this post