Ka ri Bangladesh da kylla ko kam kawi na ki thaw wow lai puræ Doctor ki khynroo khyllood ka jylla Meghalaya wei hei lai wow yooh kjat ha ri Bangladesh da chem wa em kamwa 20 ngut kiwa napoh ka jylla kiwa lai puræ MBBS ha Bangladesh.
Iwi na ki daw wa ya lai puræ cha Bangladesh toh neidaw wa jan ko na Meghalaya wei rap duna leh ka bai puræ wei ka hikai leh man ko iwa ryngkat wa kiwi ki Medical College.
Hawa yoh u yaklam wa ki kattu katni kiwa lai puræ MBBS ha Bangladesh da khana ki wa i eh wa da maad ki toh hei ktien u thylliej neibhah iwa boon wa hikai toh hei ktien Bangla.
Da ong ki leh daw yarap chiboon lada ka Meghalaya em ko ka yong ka hi ka Medical College, neibhah chitom bha wow thooh thaw puræ kawa biang iwa da pynman ya ki wow lai wot cha baar ri.
Da ong ki leh wa smat ki wow liwan cha ka jylla manda man Doctor ki.
Kini kiwa da yoh u yaklam wa kiwa thoh khubor na Meghalaya toh ka Sedilia G Kharmalki kawa lai puræ ha Dhaka National Medical College, ka Sienlainam Mawroh kawa lai puræ ha Anwer Khan Modern Medical College Hospital wa u Beni Longman Lyngdoh uwa lai puræ MBBS ha Dhaka National Medical College.
Da khana ki wa du wow tip u klam yei ktien Bangladesh da chim por ya ki hadooh kamwa 2 snem neidaw wa duna bha kiwa klam ktien English næ Hindi.
Hawa yoh u yaklam waka Dr. Ampareen Lyngdoh kawa man kam ka Montri ka chnat i chait i khiah da ong ko wa yoosuk wa em ki khynroo khyllood Khasi kiwa lai puræ MBBS ha Bangladesh wei da pynsñiaw ko leh yei kmen wow yoh u yachem wa ki. Wei da khana ko leh wa da kyntu ko ya ki wow wan kreh chapoh ka jylla hi.
Da khana ko leh wa ka jylla Meghalaya daw em ko ya kawi ka Medical College kat ha u snem 2025.
Discussion about this post