Da kynmoo burom yaka Founder’s Day & Thinking Day ha Jowai

Kamwa da leh da ki dkhot ka Scouts-Guides Movement wa em ha chityllup ki ri ka pyrthai ynne ka sngi, ha Jowai leh da leh burom ki yaka Founder’s Day and Thinking Day da ki bor pynlai ka Bharat Scouts and Guides, West Jaiñtia Hills deiwa pynman ki ka yachemlang wa kyrpang ha yung krehkaam ka District Association wa em ha Jowai.

Ha ka yalang yong i leh burom wa da pynlai da ka C.D. Laloo, District Commissioner Guides, MBSG-WJHD, ka Dolly Lamare, District Organiser Guides WJHD da e ko ki kyntien yahkhmat hajrong ka thong yong kani ka yalang kawa man ka sngikha yong u Lord Baden Powell waka Agnes Baden Powell kiwa man kiwa saaiñ wa sdang yong ka Scouting ha u snem 1907 waka Guiding ha u snem 1910.

U D.E. Pariat, Commissioner MBSG, kam u symbood kongsan yong kani ka yalang hawa e kyntien heiyatoh wa kani ka sngi da e mynsien u ya ki dkhot ka Movement deiwa ong, leh ya ki kaam neibynta i miat i bha ka imlang sahlang katkam ka thong wa ka yurim yong ka Scouts-Guides Movement.

Chooh chooh ki kyntien wa kyrpang heiyatoh wa kani ka sngi da pachat da ka S. Tariang, Vice-President MBSG-West Jaintia Hills, kawa da ong, i yachem ha kam kani ka sngi toh wow wanrah yeitæ i sñiaw yaman iwi da ka luti yong i ya burom kylliang wei sñiaw chipayu wei wow pyrkhat i ya ki kaam wa yatoh wei miat i bha ka imlang sahlang khlem da wanrah næ booh i sñiaw yaphær.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hajrong ka phang pyrdi namo ka Theme wa ong “Our World, Our Thriving Future: The Environment and Global Poverty” ka S. Tariang da kyrsu kyntu ko ya ki dkhot wow thooh laad u pyndooh jait yei dooh i duk wei sahdien, u kyntu kynrong yei puræ puthi wei wow sumaar sukhær u yada pynneh pynsah yei man wa chngaaiñ i man i long ki soodong sookun ka bei rym-aw.

Wow pynkhroo chooh yei man kani ka sngi chwa wow yoh ki kyntien khublei na u C. Gassah, District Organizer Scouts, WJHD da em leh i e kti ya ka Certificate cha ki ar ngut ki Scouts Master kiwa da pyndep yaka HWB Course na Assam kiwa kynthup ya u Adiam U Bthuh, District Secretary MBSG-WJHD wa u Pet Dhar, District Commissioner Scouts, WJHD.