Ym krehkaam ka Reservation Policy ha ki skur EMRS

U Montri Rangbah ka jylla, u Conrad K Sangma ynne da ong u wa ka sorkar jylla dang booddien ko waka sorkar pyrdi wow e bhah kreh namo ka Reservation Policy ha ki Eklavya Model Residential Schools (EMRS) ha kylleiñ ka jylla. 

Ya ini da khana u yeiwa kylli u MLA ka VPP na Nongkrem, u Ardent Basaiawmoit, heiwa da ong u wa heipor wa chong yalang wa u Montri ka Tribal Affairs da pynsñiaw u wa daw e bhah ya ki kreh ha ki EMRS wa em ha jylla.

ADVERTISEMENT

U Conrad da ong u wa ym em i kular dei thoh tangwa dang booddien ki yeini waka sorkar pyrdi neibhah daw em da ki hajar ki kreh wow mih na ki EMRS.

Chwa ini, u Montri ka chnat puræ puthi, u Rakkam A Sangma da ong u wa ka Reservation Policy ym krehkaam ko ha ki EMRS tangwa da dep thoh cha ka sorkar India wei katni dang yang ya i jubab na ka. 

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Heijooh i por u Conrad da pynrap u deiwa ong wa da chimkhia u ya i kreh ya kini ki skur neibhah i chna ya ki EMRS ha jylla man iwa suki bha wei i jied ya kiwa chna ya kini ki skur toh deiwa khut Tender da ka sorkar pyrdi. 

Da kyrmen u leh wow yoh ya i jubab wa bha heiyatoh wa ini waroh.

Neiliang u Rakkam da ong u wa i pynkreh ya ki EMRS ha ki Block man iwa chem chitom khamtam neidaw wa ki thaw ym yatoh ki wa ki kyndon ka ka Ministry heiwa ki thaw toh u man kiwa yoh mynkna wa e da ki chnong ki thaw.

Da pyntip u leh wa daw thoh cha ka sorkar pyrdi wow e poisa neibynta ki EMRS ha waroh ki Block ka jylla wei ya ini da ong u hadien wa u MLA ka Mawlai u Brightstarwell Marbaniang da kylli u yei daw wa ym em u kynthup u yoh ya kini ki skur ha ki 3 tylli ki Block wa kynthup ya ka Mawlai, Sohiong wa Mawpat.