Prime Minister ka ri, u Narendra Modi ynne da hiar u chapoh ka duriaw Arabian Sea ha ki bynta ka jylla Gujarat yow leh Puja ha Dwarka.
I Dwarka toh iwa man kam i thaw kawa kyntang ki Hindu wei kawa emyatoh bha wa u blai Krishna, wei jooh man ko leh kam ka chnong wa heh wa san tangwa da ngam noh ko chapoh duriaw katkam wa thoh haka Mahabharata.
Kamtæ u Modi da hiar chapoh kani ka thaw wa em kam i chnong warim wa ngait ki Hindu toh i Dwarka ha rood duriaw iwa em hajan ka Beyt Dwarka Island.
Ini i thaw toh iwa da dep tih da ki Archaeologist wei yoo chynna ki leh najrong ka lien yei rukom man ki.
U Modi da hiar u deiwa sap lang wa ki tiar Scuba Gear wei da hiar u hadooh ha tre yow ngooh u dem wei wow pyndep yaka Puja.
U Modi da rah lang u wa ki sla u klew kam wow leh burom ya u Krishna.
Kam wow pynkynmoo wa u Modi ynne da wai u leh yaka yingkieñ ‘Sudarshan Setu’ kawa pynyabi yaka Beyt Dwarka Island waka Okha ha Gujarat wa em hapoh ka Devbhumi Dwarka district.
Ha kani ka yingkieñ leh da em boon ki dur u Krishna.
Discussion about this post