U Lamphang ka yung dorbar chna aiñ ka jylla, u Thomas A Sangma ynne da pyndam u napoh ka thup ka yung dorbar yeiwa klam u MLA ka North Shillong, u Adelbert Nongrum haka 19 tarik uni u bnai heiwa da klam u chapang u Lat ka jylla wa ki Lat yong kiwa boon kiwi ki jylla.
Ya kini ki kyntien toh kiwa da klam u Adelbert da ki ktien Khasi heiwa ya iwa da pynkylla cha ktien English da saam cha waroh ki dkhot ka dorbar.
U Lamphang da ong u wa u Adelbert da klam u yei kaamram u Lat ka jylla wei kamjooh leh yei kaam kiwi ki Lat ki jylla. Kamtæ u Lamphang da ong u wa u Lat toh uwi na ki khlieh ka ri kiwa da thung da ka President ka ri katkam ka riti synchaar wei yei kaam wa da leh toh iwa da khang wow klam hapoh ka yung dorbar ki sorkar jylla katkam ka aiñ.
Kamtæ waroh iwa klam u Adelbert chaphang u Lat ka jylla wa kiwi ki Lat da man ki kiwa da chah pyndam noh.
Puræ leh: Yieñ u Adelbert wow klam dei ktien Khasi yow pyrchah yei klam Hindi u Lat
Discussion about this post