Rs. 25 klur ka poisa, i ksiar wei rupa yoh sñiawbha ka Ram Mandir nadooh wa wai ya ka

Ka Ram Mandir wa dang dep chna wot da yoh ko chiboon ka poisa na kiwa e sñiawbha kamjooh i ksiar wa i rupa wa 25 kg iwa chongdor hadooh Rs. 25 klur nadooh wa wai yaka haka 22 tarik u Duyatra (Jan) uni u snem, wei ya ini da pyntip da u Prakash Gupta, Office In-charge ka Ram Temple Trust, heiwa da ong u wa kani ka Rs. 25 klur kynthup ko ya ki Cheque, Draft waka poisa wa da thap ha ki synduk wa em ha kani ka Mandir. 

Da ong u leh wa ympu tip katwon wa da phah poisa Online cha ki Bank Account ka Trust. 

U Gupta da pyntip u leh wa em palat 60 lak ngut kiwa ngait niam kiwa da wan cha kani ka Mandir nadooh ka 23 tarik u Duyatra.

Da khana u leh wa ki para wa ngait da e ki ya ki tiar ki tar wa da chna dei ksiar wei rupa ki wym ye u pynemkaam hapoh kani ka Mandir tangwa kattæ leh pdiang hi yeini.  

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Trust da yooluti ko wow ku ka poisa khamtam ha ki sngi Puja Ram Navami heiwa daw em 50 lak ngut ki Hindu ha Ayodhya.

Chooh chooh u Gupta da ong u wa ka State Bank of India (SBI) da booh ko soo tylli ki Automatic High-tech Counting Machine ha Ram Mandir wow lakha yaka poisa wa da e sñiawbha ki paidbah. 

Da em leh palat chi dorjon ki Counter wa da booh da ka Trust wow pdiang yaka poisa kamjooh leh wow e ya ki Receipt najrong wa da em ki synduk Donation Box ha Ram Mandir.

U Anil Mishra uwa man u dkhot ka Trust da ong u wa i ksiar wa i rupa wa da yoh da e kti wow pynlang ya ki haka India Mint ka sorkar.

Da ong u leh wa da soi yaka MoU hapyrdi ka SBI waka Trust heiwa kani ka soskular u bahkhlieh ko yaka poisa wa da e sñiawbha.  

Da khana u wa ka SBI daw pynboon ko leh ya kiwa kreh yow niaw ya kani ka poisa kiwa da kreh deiwa yabhah ar sien chi sngi yei por kreh ki.