Katkam wa pyntip ki pulit, ynnin i step ka 7 tarik heipor kamwa 6:30 da pyntip cha ki pulit ka Ummulong Beat House wa em kawi ka kari wa iñ ha u sarok Wahiajer-Nartiang heiwa da em leh uwi u bru wa sahkut hapoh kani ka kari.
Ki pulit da lai ki wut-wut cha ini i thaw wa jia heiwa da chem ki ya ka kari Maruti Zen kawa da iñ lut kawa noh cha ka lyngkha wa em ha rood sarok tangwa u bru wa em hapoh da kit ya oo da kiwa emyatoh u cha Woodland WK Hospital.
Hei takit ki pulit da chem wa uni u bru wa em hapoh kari toh uwa tip kam u Abipaia Bareh uwa chong wa sah ha Nartiang.
Neidaw won wa joor i mynsoo u neiwa chah thang, da kit noh ya oo cha Shillong yow yoh thaw sumaar.
Kamtæ ki pulit da phah ki ya ki bor pynlai ka Hospital yow kylli na uni uwa mynsoo kammon wa jia ya oo heiwa da khana u wa joor synthiah u heipor wa yah kari kamtæ da lai noh u ka ka kari u cha rood sarok heiwa heini i por ka kari u da kop diñ ko.
U Abipaia da khlaad noh u ynnin i janmiet wei ki pulit dang leh ki yeiwa emkaam.
Discussion about this post