Uwa yahkhmat ka Bharatiya Janata Party (BJP) uwa man leh u MLA na South Shillong, u Sanbor Shullai da ong u wa lada u Dr. Mukul Sangma psiah u cha ka BJP, neiliang ka Party daw siang syndon ko da ka ‘Red Carpet’.
Ynne ka sngi, u MLA warim, u Winnerson D Sangma uwa man u lok wa yajan bha wa u Dr. Mukul Sangma da psiah noh u cha ka BJP, wei ini i poi u Winnerson cha ka BJP da pynantaad wa ha ki kajiak sngi wow wan, u Dr. Mukul Sangma leh ye u wow poi cha ka BJP.
U Sanbor da ong u wa u Dr. Mukul toh uwa yahkhmat saaiñ pyrthai uwa da ih bha, wei lada wan u cha ka BJP daw siang da ka Red Carpet yow pdiang sñiawbha ya oo.
Ha kani ka sngi neiliang u Winnerson wei kamjooh u MLA ka BJP na Pynthorumkhrah, u AL Hek da e dak wow yang sa kattu katni por neidaw wa daw yoo ya kiwi ki MLA warim wa ki MLA wa katni kiwa daw psiah noh cha ka BJP, tangwa da kyntait u wow khana yei pyrtuid.
Discussion about this post