Da sdang da ka ‘My City Campaign’ yow pynkhooid chnong chisien le bnai

U Montri Rangbah ka jylla, u Conrad K Sangma ynne da sdang u ya ka ‘My City Campaign’ kawa man deiwa chimbynta lang da kiwa chong chnong wow pynkhooid chnong wei da wai u leh yaka ‘Reimagining Streets’ deiwa lai chimbynta u hei pynkhooid chnong wa da pynman ha Dhanketi kam chibynta kani.

Hawa e yei klam haka yalang wa da pynman ha Moreau Institute of Integral Training (MIIT) hadien ka pynkhooid chnong, neiliang u Conrad da ong wa ki seiñ waphær waphær, ki bru samen deilang wa ki chnat sorkar da leh ki ya kiwa boon ki kaam yow ya lumlang ya waroh dei bor yong ki hi wei kani ka pynkhooid chnong toh iwa da kwah ka sorkar wow leh chisien le bnai neibhah ki chnong ki thaw toh kiwa da myllien wow leh yeini nadooh nachwa yow man ki chnong ki thaw kiwa khooid.

Da ong u leh wa nachwa ki chnong ki thaw da leh ki yeini khlem da yoh ya iwon iwon i kyrchaan wei hei sien wa nyngkong, ka sorkar daw yarap poisa ko yow leh yeini man ka le bnai wei yeini daw sdang nyngkong ha ki District Headquarter wei hadien daw pynpoi cha waroh ki chnong.

Heiyatoh won waka Reimagining Streets, da ong u wa kani toh yow pynman ya ki luti syngkieñ kiwa hoi u la kjat wei da booh thong wow chna 10-15 Km ki Footpath deiwa pynheh pynkmai ya ki Footpath wa da em chwa katni yow pynchlur leh ya ki paidbah wow lai dei kjat.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u leh wa daw pynlai ya ki sainar napoh khyndaw, u niaam rong ya ki yung krehkaam wa kiwi kiwi de yow pynmiat dur ya ki thaw wa man sor.

U Conrad da saam u leh ya ki KickStart Cheque cha ki bor pynlai chnong wei da pynlait u leh yaka kot lakdop Reimagining Streets Initiative Booklet ha kani ka yalang.

Da wan wow ya chimbynta lang da kiwa lai puræ College, ki dkhot NCC wa NSS deilang wa kiwa boon ki dorbar chnong wa ki SHG.