Toh u psiah i ktien Jaiñtia hapoh ka State Language Act lada maya jaitbru ki 7 MLA

U MDC ka Jowai Central, u Andrew Shullai da ong u wa hadien wa mih i sur State Anthem ka jylla, ki bru na Jaiñtia sñiawsih ki neidaw wym em kynthup ya i kyntien ki ha ini i sur hanlada hapoh jylla da chna deiwa em le District Council wa em le tylli ki jaitbru.

Da ong wa sñiawkmen wa ha ka Dorbar Mang Tangka ka JHADC da rah ya ka Resolution wow kynthup ya i ktien Jaiñtia hapoh ini i sur. 

Da ong u wa neiliang yong oo da kyntu u ya ki MLA na Ri-loom Jaiñtia (7 MLA) wa da em na ki wa man leh kam ki Montri wei da em ki leh ha ka sorkar wei lada maya sakhiat ki ya ka Ri Jaiñtia toh u pynbor ya ka sorkar ymtoh du wow booh ya i ktien Jaiñtia hapoh ka State Anthem tangwa ka JHADC leh da mynjur ko ya ki dak ktien Jaiñtia heiwa da sdang wow pynemkaam ya kini ki dak ha kiwa boon ki bynta.

Chooh chooh da ong u wa lada maya sakhiat ki ya ka Ri Jaiñtia toh u pynpsiah ya i ktien Jaiñtia hapoh ka Meghalaya State Language Act 2005 wa ka Meghalaya State Language Rules.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong u wa lada ym em ka ktien kammon u em u neh ka jaitbru wa i rukom im wa kyrpang yong ka wei manda tip ya ka ktien daw tip ki bru u puræ wei wow thoh ya ka.