Ka 10th Secondary School Football Tournament kawa da pynman ha madan Pdengshakap, West Jaiñtia Hills da pteiñ biang yaka ynnin ka sngi deiwa pynman ya kawi ka yalehke Quarter Final hapyrdi ka Sengkhihlang FC waka YFC Trangblang.
Ha kani ka yalehke ka YFC Trangblang da jop ko yaka Sengkhihlang FC da 5-3 dei yachut Tie-Breaker hadien wa kut ka yalehke da 1-1.
Yaka Sengkhihlang da thap kool da u Stephan Harry haka minit wa 60 katwa yaka YFC Trangblang won da thap kool da u Jackson haka minit wa 69.
Kamtæ ka YFC Trangblang da yoh ko u psiah cha ka Semi Final yong kani ka Tournament.
Kattu u pteiñ biang yaka yalehke Quarter Final wa khaddooh haka 16 tarik hapyrdi ka Thun FC waka One Soul Utd (Pdengkarong) heipor 2:00 waje i sngi.
Discussion about this post