Jowai : Hadien wa ka Central Executive Committee (CEC) yong ka Meghalaya SSA Schools Association (MSSASA) Central Body ha ka 9 tarik uni u bnai da chim ko ya ka rai wow pdiang ya ka hukum hajrong wow pynku tulop ya kiwa sikai SSA hapoh ka jylla wa da pynmih ha ka 31 tarik, Naichiphaw, 2016 da u D. P. Wahlang State Mission Director SSA-SEMAM uwa man leh kam u Commissioner & Secretary ka tnat puræ puthi ka Jylla.
Neiliang ka seiñ daw pynman ko ya ka yalang yong waroh kiwa sikai SSA ha ka Jylla ha ka 16 tarik uni u bnai hapoh Khasi National Durbar Hall, Mawkhar, Shillong heipor 11 waje i step yow chim ya ka rai wa khaddooh na kiwa sikai wa lada mynjur ki namo ym em ya i rai ka CEC, chwa wow lai ka MSSASA – Central Body yow libooh ya ki kot ki sla cha ka Sorkar Jylla.
Kamtæ ka seiñ ka khut ko ya waroh kiwa sikai SSA wow pyllait por ki khnang yow wan cha kani ka yalang ha ka tai ka sngi yow ye u leh yeiwa emkaam, ong u Aristotle C. Rymbai President ka MSSASA – Central Body.
Also Read: Pdiang ka MSSASA ya ka rai pynku tulop ka sorkar ya kiwa sikai SSA
Discussion about this post