Ka Khasi Students’ Union (KSU) Narpuh Circle ynne i miet da yoh ko wow ksoh ya kawi ka Bus Night Super kawa em Number ML-05L-7887 kawa kit hadooh 60 ngut ki baar jylla kiwa wan na Guwahati deiwa thok ha Umling Check Gate wa em ha Ri-Boi yow lai cha Silchar.
Hadien wa ka seiñ da pyntip cha ka da ki para dkhot na Ri-Bhoi lyngba ki dkhot na Khliehriat Circle, da lai ki wow yang harood u sarok NH-6 ha laad Amrit Cement yow booddien yeini heiwa da chem wa kani ka Night Super da psiah pathan ko cha Star Cement.
Ka seiñ hawa takit ko da chem ko wa kani ka Night Super da thok ko da boonsien heiwa haka 11 tarik uni u bnai leh da em wa khana wa kani ka jooh ka Bus da suba wa kit ko da ki baar jylla wei da yang yaka tangwa ym em chem ka waroh chi miet.
Kini ki baar jylla wa da yoh u kem ynne toh kiwa na Bihar wa na Assam wei ym em ki ki kot ki sla wa e bor u kreh hapoh ka jylla, kamtæ ka seiñ da e kti ko ya kini ha ki pulit ka Lumshnong yow leh ki katkam ki kyndon aiñ yow pynuiñ ki cha i thaw wa wan ki.
Discussion about this post