E khublei ka BJP Meghalaya ya u Modi wa pynlait ya ki jaitbru ri-loom na ka aiñ CAA

U State President ka BJP Meghalaya, u Rikman G Momin da e khublei u yaka sorkar India khamtam ya u Prime Minister, u Narendra Modi wa u Amit Shah kam u Home Minister kiwa da burom yei sñiaw yong ki jaitbru ri-loom deiwa pynlait ya ki thaw wa em hapoh ka Sixth Schedule na ka aiñ Citizenship Amendment Act 2019.

Da ong u wa nyngkong hawa thoh ya kani ka aiñ ha u 1955, ym em pynlait ya ki thaw Sixth Schedule tangwa manda pynkylla ka ha u snem 2019 da ka sorkar BJP da pynlait ko ya ki jaitbru ri-loom napoh kani ka aiñ.

Da ong chooh chooh u wa hanla ya kani ka aiñ da pynkrehkaam ha u snem 2019 tangwa ka sorkar da chimpor ko soo snem hadien wa da dep yaklam sani bha yow wanrah ya ki kyndon namo ki Rules wow krehkaam kani ka aiñ.

Kamtæ da ong u wa kini waroh wa leh toh wa pynyoo wa chimkhia ka sorkar u Modi yow kyntu kynrong ya ki jaitbru ri-loom wei da wanrah leh chiboon ki Scheme sorkar wei kamwa man kattæ deiwa pynlait yaka Meghalaya na ka CAA da man iwa sepai ya kitu kiwa pynkynroi wei kam kiwa chong chnong toh u ya krehlang yow pynku pynroi yaka ri.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

U Rikman da ong u leh wa ini wa dep ka sorkar da booh bhah ko Rs. 15000 klur yow pynkylla 4-Lane ya u sarok nadooh Umroi cha Silchar wei ini leh pynyoo ko ya ki kaam pynroi wa wanrah u Modi, kamtæ da khut ya kiwa chong chnong ka Meghalaya yow thap Vote cha ka BJP ha kani ka MP Election deiwa pynjop ha waroh ar tylli ki Constituency.