Ynne heipor 1:25 i sngi, ki chipai BSF heipor wa dang sonteri ki ha khappood waka Bangladesh ha BOP Magroli, Tripura da em kamwa 15-20 ngut ki damok wa kit mar na India kiwa da tia cha khappood wei da em 25-30 ngut won na Bangladesh wa tia chirup waka yingkieñ.
Neiliang ki chipai BSF da yaleh ki wow pynsangeh ya ki tangwa da sdang kær talawiar ki ya ki BSF wei heitæ nei sñiaw yei maa, u chipai BSF da siat u chi kuli na ka suloi PAG heiwa da mynsoo uwi u nong Bangladesh.
Hadien ini ki 10-15 ngut ki damok da tia ki dei chrai cha ki chipai BSF heiwa da pyrchang ki wow knieh yaka suloi ki wei wow yut cha Bangladesh tangwa u chipai da siat biang u sa chi kuli iwa da pynbor ya ki wow yut ki.
Uni u chipai BSF da mynsoo u na thnga wei da kit ya oo cha thaw sumaar katwa uwi u nong Bangladesh wa toh kuli ya uwa tip kam u Saddam Hussein (23 snem) na Dastaki, PS Kulaura, District Moulovibazar manda poi ha thaw sumaar da pynbna wa da yap u.
Ha ini i jia da em sa uwi u nong Bangladesh wa da mynsoo wei da kit ya oo cha thaw sumaar ha Bangladesh.
Discussion about this post