Da paan ya 18 tylli ki Company ki chipai ka sorkar pyrdi yow pait yei lai bait ka Election

Hadien wa ka Election Commission da pynbna ko ya ka tarik wow pynman Election MP cha Lok Sabha, i pynkhreh ha ka jylla leh da lai i chakhmat khamtam wa da pynkrehkaam ya ki kyndon yong ka Model Code of Conduct.

Hawa yaklam yei pynkhreh yong ki pulit ha East Khasi Hills, u Superintendent of Police, u Rituraj Ravi da khana u wa da dep wow chna ya ki dhab wow paitbniah wei ki pulit da sdang ki wow booh ya ki thaw kynreh ha waroh kawi ka District.

Da khana u wa ka chnat da paan chooh chooh ko ki pulit wow yarap kær neibynta ka Election wa kynthup ya 11 tylli ki Company ki pulit ka CAPF (Central Armed Police Force) wa 7 Company ki SAP (State Armed Police).

Da pyntip u leh wa wa 2 Company ki CRPF wa chi Company ki BSF toh kiwa da em chwa ha ka jylla kiwa da yoh u pynemkaam neibynta ka Election.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025